Kia Connect 1, 2, 9
Plug-in Hybrid
Borgarjepplingur
Ljósmyndir og hreyfimyndir eru einungis notaðar til útskýringar. Endanleg framleiðsluvara getur verið frábrugðin því sem myndirnar sýna.
Nýr Kia XCeed býður upp á einstaka akstursupplifun í takt við þinn lífsstíl í sportlegum bíl. Framúrskarandi rafmótor. Nýjustu tengimöguleikarnir fyrir samband við umheiminn. Og ótal margt fleira.
Njóttu spennunnar
Lífleg hönnun framhluta Kia XCeed gefur honum enn áhrifameira yfirbragð.
Nýr Kia XCeed geislar af sportlegri spennu frá öllum sjónarhornum. Nýjar dökkar satínkrómaðar innfellingar fullkomna kraftmikið yfirbragðið og undirstrika sportlega hönnunina.
Nýr og eftirtektarverður afturstuðari Kia XCeed í lágri stöðu og sportlegum hlutföllum hefur verið endurhannaður með nýjum dreifara, gljásvartri hlíf og nýjum innfelldum púströrum sem fullkomna sportlegt útlitið.
Endurheimt hemlaorku endurheimtir hreyfiorku sem notuð er til að hlaða rafhlöðuna þegar bíllinn er látinn renna eða við hemlun. Rennsliseiginleikinn greinir leiðina til að láta þig vita hvenær þú átt að taka fótinn af inngjöfinni. Sýndarvélarhljóðskerfið virkjast við akstur á rafmagni til að gangandi vegfarendur viti af bílnum.
Rafknúinn afturhleri með bendistjórnun auðveldar þér að setja farangur í farangursrýmið þegar þú ert með fangið fullt. Skottlokið opnast sjálfkrafa þegar þú nálgast afturhluta bílsins með lykilinn í vasanum eða töskunni. Aftursætin er hægt að leggja niður í 40:20:40 skiptingu og þegar öll eru niðri ertu með 1.378 lítra farangursrými.
Glæsilegar dökkar satínkrómaðar innfellingar fullkomna kraftmikið yfirbragðið og undirstrika sportlegt útlitið.
Sestu inn og finndu kraftinn. Nýtt hátæknilegt farþegarými Kia XCeed einkennist af einstaklega vandaðri hönnun, fágun, rými og fjölhæfni sem saman stuðla að sportlegum akstri. Ný gljásvört PRND-klæðning eykur enn við sportlegt yfirbragðið, sem og baksýnisspegill með mjórri umgjörð og ný hönnun stjórnflipa sem tryggja að þú hafir stjórnun nýjasta tæknibúnaðarins við fingurgómana.
Skjámyndin sem sýnd er kann að líta öðruvísi út í bílnum
Upplýsingarnar eru alltaf til staðar, í rauntíma: Þessi samfelldi skjár inniheldur hárnákvæma mæla fyrir aksturshraða og snúningshraða vélarinnar. Á honum er einnig að finna nákvæma leiðsögn, hljóðupplýsingar, símtöl og tengiliði, ítarlegar ferðaupplýsingar og fleira. Þessu til viðbótar er hægt að velja sérhönnuð þemu sem hægt er að tengja við akstursstillingarnar.
Innanrými Kia XCeed einkennist af hárri, sportlegri akstursstöðu með góðu útsýni yfir veginn fram undan, góðu aðgengi og nægu rými fyrir alla farþega. Höfuðrými og fótapláss munu koma þér á óvart.
Kia XCeed Plug-in Hybrid (Tengiltvinn)
Ávinningurinn er alls staðar: Kraftmikil 1,5 lítra GDi 48V-aflrás hentar fyrir allar akstursaðstæður.
Ekkert kemur í stað eigin reynslu. Bókaðu reynsluakstur hjá næsta söluaðila.
Vertu með heiminn í kallfæri.
Skjámyndin sem sýnd er kann að líta öðruvísi út í bílnum.
Breiður háskerpusnertiskjárinn er auðveldur aflestrar og einfaldur í notkun. Hægt er að skipta skjánum upp til að nota allt að þrjú forrit í einu, t.d. kort, veður og tónlist. Bluetooth® býður upp á tengingu tveggja snjallsíma í einu, auk Apple CarPlay og Android Auto 5 . Kortauppfærslur 8, 9 í sjö ár tryggja að kerfið inniheldur réttar upplýsingar.
Shown screen may vary from final product.
Með Kia Connect appinu1 , hefurðu einfaldan aðgang að bílnum óháð stund og stað. Notaðu símann til að samstilla ferðaáætlanir við leiðsögukerfið, rekja núverandi staðsetningu eða nálgast greiningarskýrslur. Það veitir þér einnig aðgang að Kia Connect Live Services 4, 5, 9 með upplýsingum um veður, umferð og fleira á 10,25" skjánum.
Nýr Kia XCeed er búinn fyrsta flokks JBL-hljóðkerfi til að þú getir notið framúrskarandi hljómburðar. Kerfið er með 8 hátölurum og háþróaðri Clari-Fi™ endurheimtartækni fyrir tónlist 10 , sem eykur gæði MP3-skráa og skilar ósviknum hljómi um allan bílinn.
Engar snúrur. Þú þarft eingöngu að setja snjallsímann á flötinn og hleðsla rafhlöðunnar 12 hefst tafarlaust. Ef hleðslusnúra er til staðar er einnig hægt að nota USB-hraðhleðslutengi af gerð C (eitt við framsæti, eitt við aftursæti).
Fjölbreytt úrval af frábærum akstursaðstoðarkerfum gerir aksturinn öruggari og afslappaðri. Þau gera þér kleift að njóta áhyggjulauss aksturs í nýjum Kia XCeed.
Þjóðvegaakstursaðstoð tryggir að XCeed haldi öruggri fjarlægð frá ökutækinu á undan og heldur bílnum á miðju akreinar á þjóðvegum. Um leið stjórnar kerfið stýri, inngjöf og hraðaminnkun á meðan þú ert innan akreinar. Beygjuaðgerðin (snjallhraðastillir með tengingu við leiðsögn) vinnur með þessu kerfi með því að nota leiðsagnargögn til að greina beygjur fram undan. Þegar bíllinn nálgast beygju dregur kerfið sjálfkrafa úr aksturshraða og endurheimtir síðan forstilltan hraða þegar bíllinn kemur úr beygjunni.
Snjallhraðastillir 5 viðheldur þeim hraða sem ökumaður velur og reiknar út hlutfallslega stöðu og hraða bílsins fyrir framan með því að nota myndavél bílsins og ratsjá að framan til að halda öruggri fjarlægð. Kerfið stjórnar inngjöf og hraðaminnkun til að tryggja að Kia XCeed haldi alltaf öruggri fjarlægð frá ökutækinu á undan. Kia XCeed stöðvar þegar bíllinn á undan stöðvar. Þegar bíllinn á undan ekur aftur af stað geturðu ekið af stað með því að stíga á inngjafarfótstigið eða ýta á hnappinn á stýrinu.
Akreinaaðstoðin (LFA) 6 notar myndavél í framrúðu til að greina akreinamerkingar eða ökutæki á undan til að tryggja að XCeed haldist á miðri akrein. Í boði fyrir allar gerðir með beinskiptingu og DCT-sjálfskiptingu.
Árekstraröryggiskerfið fyrir blindsvæði notar myndavél í framrúðu og hornratsjár að aftan til að greina hlutfallslega stöðu og hraða annarra ökutækja til hliðar við bílinn eða á blindsvæðum hans. Ef kerfið greinir mögulegan árekstur við aðra bíla virkjar það sjónrænar og hljóðrænar viðvaranir og getur einnig gripið sjálfkrafa inn í til að halda bílnum á núverandi akrein og koma í veg fyrir mögulega árekstra.
Þegar bakkað er út úr bílastæði eða innkeyrslu varar árekstraröryggiskerfi með umferðarskynjara að aftan (RCCA) við umferð frá hlið með sjónrænum og hljóðrænum viðvörunum og beitir hemlum sjálfkrafa ef nauðsyn krefur til að koma í veg fyrir mögulegan árekstur.
Kerfið greinir þegar ökumaður missir einbeitingu með því að vakta hreyfimynstur stýrisins, inngjöf og heildarlengd ferðarinnar. Ef einbeitingarleysis verður vart hjá ökumanni varar kerfið viðkomandi við með sjónrænum og hljóðrænum viðvörunum. Athyglisviðvörun ökumanns + (DAW+) varar ökumann einnig við þegar ökutækið á undan ekur af stað án þess að ökumaðurinn taki eftir því.
FCA-árekstraröryggiskerfi með viðvörun fyrir gangandi vegfarendur notar ratsjár- og myndavélarbúnað til að vara við gangandi vegfarendum, hjólreiðafólki og ökutækjum í akstursleið bílsins. Það gefur þér viðvörunarmerki og hemlar sjálfkrafa ef þú bregst ekki við til að koma í veg fyrir eða draga úr höggi ákeyrslu.
Intelligent-framljósabúnaðurinn skynjar bílana í kringum bílinn þinn og stjórnar háljósunum sjálfkrafa til að tryggja þér hámarksyfirsýn án þess að blinda aðra vegfarendur.
Extra power for low-emission driving with no plug-in recharging needed. By cleverly pairing a Smartstream 1.5 liter Turbo 160 PS petrol engine with a 48-volt lithium-ion battery, Kia’s mild hybrid system in ProCeed can reduce fuel consumption and vehicle emission levels. What’s more, the integrated ‘e-system’ recovers kinetic energy during deceleration phases to provide torque assistance when accelerating.
Viðbótarrafmagn fyrir akstur til að tryggja litla losun án þess að hlaða í gegnum innstungu. Hugvitssamleg samnýting Smartstream-bensínvélar með forþjöppu og 48 volta Li-ion rafhlöðu í Kia hybrid-bíl með samhliða kerfi getur dregið úr eldsneytisnotkun og útblæstri. Því til viðbótar endurheimtir rafmagnsstjórnkerfið hreyfiorku við hraðaminnkun til að hægt sé að nýta hana við inngjöf.
Minni losun getur skilað sér í lægri sköttum og kostnaði og auknu aðgengi. Yfirvöld sumra Evrópuríkja veita stuðning við kaup hybrid-bíla með samhliða kerfi með skattaafslætti og kaupstyrkjum. Í mörgum borgum mega hybrid-bílar með samhliða kerfi aka á svæðum með útblásturstakmörkunum: Það þýðir að þú getur keyrt þar sem aðrir mega það ekki.
Rafhlöðuafl styður við vélina til að tryggja hljóðlátari gang, auka tog og draga úr eldsneytisnotkun. Rafmagnsstjórnkerfið gangsetur vélina til að tryggja hraða og mjúka gangsetningu. Við inngjöf eða akstur upp halla skilar rafmagnsstjórnkerfið viðbótartogi með orku frá rafhlöðunni. Þegar ekið er á stöðugum hraða hleður vélin rafhlöðuna að hluta ef hleðslustaða hennar er lág.
Tækni hybrid-bíla með samhliða kerfi lækkar eldsneytiskostnað og minnkar útblástur án aukakostnaðar fyrir þig! Í gerðum með iMT-beinskiptingu 6, er drepið á vélinni þegar þú tekur fótinn af inngjöfinni og lætur bílinn renna til að spara eldsneyti. Þegar þú hægir ferðina eða hemlar er orkan sem myndast endurheimt og notuð til að hlaða rafhlöðuna. Þegar bíllinn er stöðvaður að fullu er sjálfkrafa drepið á vélinni til að spara eldsneyti.
Skráðu þig hér til að fá frekari upplýsingar um rafvæðingu Kia og mismunandi aflrásir. Þú færð einnig fréttir af nýjum gerðum og tilboðum.
Li-ion háspennurafhlöðueiningar frá Kia í rafbíla, hybrid-bíla og tengiltvinnbíla eru framleiddar til að endast lengi. Þessar rafhlöður falla undir 7 ára ábyrgð KIA frá fyrstu skráningu eða 150.000 km, hvort sem fyrr verður. Kia-ábyrgðin gildir í 2 ár frá fyrstu skráningu, óháð akstri, fyrir lágspennurafhlöður (48 V og 12 V) í hybrid-bílum með samhliða kerfi. Kia ábyrgist aðeins 70% afkastagetu rafhlöðu fyrir rafbíla og tengiltvinnbíla. Ábyrgðin nær ekki til minnkaðra afkasta rafhlöðu í hybrid-bílum og hybrid-bílum með samhliða kerfi. Fylgið leiðbeiningum í […] eða lesið notendahandbókina til að lágmarka hættu á mögulegum minnkuðum afköstum. Frekari upplýsingar um ábyrgð Kia er að finna á [www.Kia.com].
Þjónustan er í boði endurgjaldslaust í sjö ár frá og með deginum sem bíllinn er seldur til fyrsta eiganda, þ.e. frá þeim tíma sem upphaflegur kaupsamningur tekur gildi, og getur tekið breytingum á því tímabili. Upplýsingar um notkun og notkunarskilmála má nálgast á upplýsingaskjá bílsins. Innbyggð þjónusta kann að vera breytileg á milli landa. Krafist er snjallsíma með gagnaáskrift til að virkja þjónustu Kia Connect Live Services í löndum og gerðum þar sem ekki er boðið upp á innbyggðan fjarskiptabúnað.
Upplýsingar og stjórnun þjónustu fyrir þinn Kia í snjallsíma. Þjónustan er í boði endurgjaldslaust í sjö ár frá og með deginum sem bíllinn er seldur til fyrsta eiganda, þ.e. frá þeim tíma sem upphaflegur kaupsamningur tekur gildi, og getur tekið breytingum á því tímabili. Upplýsingar um notkun og notkunarskilmála má nálgast í Kia Connect-forritinu. Snjallsími með iOS- eða Android-stýrikerfi og farsímaáskrift með gagnaáskrift eru nauðsynleg til að ekki komi til aukakostnaður.
Rennsli með dautt á vél er aðeins í boði í bílum með iMT-beinskiptingu. Rennslisstilling er háð raunverulegum akstursskilyrðum.
FCA-árekstraröryggiskerfi er eingöngu aðstoðarkerfi og fríar ökumann ekki undan þeirri ábyrgð að stjórna bílnum á öruggan hátt öllum stundum. Ökumaðurinn þarf eftir sem áður að haga akstri eftir sinni eigin aksturshæfni, lögum og akstursskilyrðum á vegi og umferðaraðstæðum hverju sinni. FCA-árekstraröryggiskerfi er ekki hannað fyrir sjálfvirkan akstur bílsins. Frekari upplýsingar er að finna í notendahandbókinni.
Áskriftin gildir einungis fyrir nýja Kia-bíla sem keyptir eru eftir 28. febrúar 2013 og voru afhentir frá verksmiðju með LG-leiðsögutæki uppsett. Hugsanlega þarf að greiða fyrir vinnu á þjónustustað fyrir þann tíma sem það tekur að framkvæma uppfærsluna. Áskrift að kortauppfærslum í 7 ár felur í sér sex kortauppfærslur þar sem Kia-bílar eru afhentir með nýjustu kortauppfærslunni. Þessi áskrift hefur ekki áhrif á ábyrgð á leiðsögukerfinu. Kia ber ekki ábyrgð á gæðum kortagagna sem kortagagnaveitan HERE leggur til.
Kia býður upp á tvær gjaldfrjálsar uppfærslur á kortum í leiðsögukerfi og hugbúnaði upplýsingaskjásins með þráðlausum uppfærslum í öllum nýjum bílum sem seldir hafa verið frá maí 2021. Að þessum tveimur þráðlausu uppfærslum loknum getur þú eingöngu fengið gjaldfrjálsar uppfærslur á kortum í leiðsögukerfi bílsins og hugbúnaði upplýsingaskjásins (i) á eftirfarandi vefsíðu: https://update.kia.com/EU/E1/Main
JBL®-hljóðkerfi er með Clari-Fi™ tækni. Stafrænar upplýsingar glatast þegar skrár eru þjappaðar í MP3-skrár. Clari-Fi™ tæknin hjálpar til við að endurheimta háa/lága tóna sem glatast og bætir þannig gæði tónlistar.
Akreinaaðstoð (LFA) er aðeins í boði fyrir gerðir með DCT-sjálfskiptingu.
Þráðlaus hleðsla sem er samhæf við síma með Qi-tækni eða millistykki.
Kia á Íslandi | Krókhálsi 13 | Sími: 590 2100 © 2023
