Kia Sorento Special Edition

Með Kia Connect forritinu ^{1, 9} getur þú tengst Sorento með öflugri hætti en nokkru sinni fyrr. Þú getur athugað hvort dyr séu læstar eða hvar þú lagðir í gegnum fjartengingu. Þú getur einnig skoðað stillingar ökutækisins, breytt þeim með fjarstýringu og notað breyttu stillingarnar. Önnur einkar þægileg þjónusta er fjarhleðsla á Sorento-bílnum beint úr snjallsímaforritinu.

Á meðal þjónustu Kia Connect er Kia Connect Live Services ^{4, 5, 9} , nettengd raddgreining og nettengd leiðsögn. Fáðu upplýsingar um veðrið, umferð og jafnvel nálægar hleðslustöðvar. Notaðu raddskipanir til að leita að áhugaverðum stöðum eða tilteknu heimilisfangi. Öll þjónusta Kia Connect ^{4, 5, 9} , er innifalin í 7 ár.

Auðvelt er að lesa af og stjórna leiðsögninni og þar má sjá leiðir, tillögur að styttri kostum og aðrar mikilvægar upplýsingar á rammalausum 10,25" LCD-litaskjá í háskerpu. Það er líka tengt við bakkmyndavélina, sýnir sveigjanlegar leiðbeiningar og er samhæft við tæki og forrit fyrir Android AutoTM og Apple CarPlayTM tæki og app ² . Auk þess birtir vel hannað 12,3" stafrænt mælaborð nauðsynlegar upplýsingar um bílinn og ferðir í háskerpu.

Njóttu þægilegrar, þráðlausrar hleðslu með því að setja samhæfan snjallsímann á hleðslustöðina á miðstokknum á meðan þú ekur³ . Fyrir þau sem eru snúrumegin í lífinu eru líka USB-hleðslutengi víðsvegar í farþegarýminu sem allir farþegar geta notað.

Upplifðu fyrsta flokks afþreyingu í bílnum með 12 hátölurum, ytri magnara og háþróaðri tækni. Breyttu stereo- eða margrása inntaki í einstaka surround-upplifun.

Þjóðvegaakstursaðstoðin vinnur með snjallhraðastillinum og akreinaaðstoðinni til að stýra hröðun, hemlun og stýringu með tilliti til bílanna framundan. Þannig verður akstur í umferðarteppum auðveldari og öruggari. Kerfið notar myndavél og ratsjárskynjara til að halda öruggri fjarlægð frá næsta bíl og fylgist með vegmerkingum til að halda bílnum á miðri akrein. Þjóðvegaakstursaðstoðin (HDA) er virk frá 0 til 180 km/klst.

Snjallhraðastillir viðheldur þeim hraða sem ökumaður velur og reiknar út hlutfallslega stöðu og hraða ökutækisins sem er beint fyrir framan með því að nota myndavél bílsins og ratsjá að framan til að halda öruggri fjarlægð milli bílanna tveggja. Kerfið stjórnar inngjöf og hraðaminnkun til að tryggja að Sorento-bíllinn þinn nemi staðar um leið og ökutækið á undan. Þegar ökutækið á undan tekur aftur af stað fylgir Sorento-bíllinn sjálfkrafa í kjölfarið.

Þegar þú stillir á hraðatakmörkun notar kerfið myndavél til að lesa skiltin sem sýna hámarkshraða meðfram veginum og birtir þau við hliðina á hraðamælinum og leiðsagnarskjánum. Þú getur þá valið að stilla hraðann samkvæmt hámarkshraða eða hnekkja kerfinu.

Kerfið er hannað til að gera blindsvæði sýnilegri og notast við hliðarmyndavélar þannig að þegar þú gefur stefnuljós til hægri eða vinstri sýnir mælaborðið blindsvæðið á veginum. Þegar þú gefur stefnuljós til vinstri birtist svæðið að aftan vinstra megin og það sama á við um hægri beygjur.

Árekstraröryggiskerfið (BCA) fyrir blindsvæði notar myndavél að framan og hornratsjár að aftan til að greina hlutfallslega stöðu og hraða annarra ökutækja til hliðar við bílinn eða á blindsvæðum hans. Ef kerfið greinir mögulegan árekstur við önnur ökutæki virkjar það sjónrænar og hljóðrænar viðvaranir og getur einnig hemlað sjálfkrafa til að halda bílnum á núverandi akrein.

FCA - árekstraröryggiskerfi ⁷ notar bæði myndavéla- og ratsjárgögn bílsins til að greina upplýsingar um önnur ökutæki, vegfarendur og hjólreiðafólk sem fer yfir götuna svo hægt sé að forðast mögulegan árekstur. FCA-árekstraröryggiskerfið virkar einnig til að koma í veg fyrir árekstra þegar tekin er vinstri beygja á gatnamótum. Ef kerfið greinir hættu á árekstri birtist viðvörun í mælaborðinu og hámarkshemlunarafli er beitt.

Ef loftpúði er virkjaður við árekstur eru upplýsingar sendar tafarlaust til rafrænu ESC-stöðugleikastýringarinnar svo hægt sé að stöðva bílinn. Kerfið hemlar til að koma í veg fyrir endurtekinn árekstur eða milda höggið við hann.